വർണ്ണങ്ങൾ തമ്മിലുള്ള ചേർച്ചയെയാണ് വ്യാകരണത്തിൽ സന്ധി എന്നുവിളിക്കുന്നത് ലോപസന്ധി രണ്ടുവർണ്ണങ്ങൾ ചേരുമ്പോൾ അവയിലൊന്ന് ലോപിക്കുന്നതാണ്‌ ലോപസന്ധി . (ചേർത്തെഴുതുമ്പോൾ അക്ഷരങ്ങളിൽ ഒന്നു കുറവു വരുന്നു) കൊടുത്തു + ഇല്ല = കൊടുത്തില്ല ('ത്തു' എന്നതിലെ 'ഉ' ലോപിച്ചു) പോയി + ഇല്ല = പോയില്ല ('യി' എന്നതിലെ 'ഇ' കാരം ലോപിച്ചു) ദ്വിത്വസന്ധി രണ്ടുവർണ്ണങ്ങൾ ചേരുമ്പോൾ അവയിലൊന്ന് ഇരട്ടിക്കുന്നതാണ്‌ ദ്വിത്വസന്ധി . നിൻ + എ = നിന്നെ തല + കെട്ട് = തലക്കെട്ട് പച്ച + കല്ല്= പച്ചക്കല്ല് ആഗമസന്ധി രണ്ടുവർണ്ണങ്ങൾ ചേരുമ്പോൾ മൂന്നാമതൊരു വർണ്ണം ആഗമിക്കുന്നതാണ്‌ ആഗമസന്ധി . (യ, വ തുടങ്ങിയ ഉപസ്വരങ്ങൾ ആഗമിക്കുന്നു) ‘യ’ആഗമിക്കുന്നത് ആടി + ആടി=ആടിയാടി ചാടി + ഓടി =ചാടിയോടി ‘വ’ ആഗമിക്കുന്നത് തിരു + ആതിര = തിരുവാതിര തിരു + ഓണം = തിരുവോണം ആദേശസന്ധി രണ്ടുവർണ്ണങ്ങൾ ചേരുമ്പോൾ ഒരു വര്‍ണം പോയി അതിന്റെ സ്ഥാനത്ത് മറ്റൊന്നു വന്നാല്‍ അത് ആദേശസന്ധി പിരിച്ചെഴുതുമ്പോള്‍ ആദ്യപദാവസാനം ചില്ലക്ഷരം (ല്-ല്, ന്-ന്, ള്-ള്, ര്-ര്, ണ്-ണ്), ...